கவிப்புயல் இனியவன் கஸல் 400 - 410

நீர் குமிழியில் உள்ள
வானவில் நீடிப்பதில்லை
நம் காதல் போல் ...!!!

உன்னை ஒருபக்கம்
என்னை ஒருபக்கம்
காதல் தராசில் வை
நீ நிச்சயம் நிறை குறைவு

விண் மண் தோன்றா
காலத்தில் காதல்
உனக்கு காதல்
வரவில்லை -நீ
எந்த கால காதல் ...?

கஸல் 401

-------

காதல் எல்லோருக்கும்
தாளம் - எனக்கு
மத்தளம் ....!!!

திரியில்லாமல்
நீண்ட நேரம் எரியும்
விளக்கு சந்தேகம்
நாம் காதல் எரிவதுபோல் ...!!!

காதலித்து பார்த்தேன்
காதல் வருமென்று
நீ தான் வந்தாய் ....!!!

கஸல் 402

----------

காதலில்
நினைக்க தெரியும்
மறக்கதெரியாது
உனக்கு என்னை பார்த்து
சிரிக்கத்தெரியும்
காதலிக்க தெரியாது ....!!!

நண்டு பிடியாக
இருந்த காதல்
பனியாக உருகிவிட்டது ...!!!

காதல் வாகனத்தில்
நான் சாரதி
நீ -பயணியில்லை
பாத சாரி ...!!!

கஸல் 403
---------

தூக்கத்தை தொலைப்பது
காதல் -நான் தொந்தரவு
இல்லாமல் தூங்குகிறேன் ....!!!

கவிதையால் காதல்
வந்தது -இப்போ
கவிதை உண்டு
காதல் இல்லை ...!!!

உன்னை நினைத்தால்
சிரிப்பு வரவேண்டும்
நெருப்பு வருகிறது ....!!!

கஸல் ;404

----------

நான் பெற்றதெல்லாம்
காதலுக்காக இழந்தேன்
உன்னால்
காதலை இழந்து விட்டேன்

நீ காதலை மறுத்தாய்
நான் மறுபிறப்பு எடுத்தேன்
இதயத்தில் காதல் இல்லை

ஆசையில்லாத மனிதன்
முழுமனிதன்
காதலித்தவன்
அரைமனிதன்

கஸல் 405

---------

கடலில் தத்தளிப்பதும்
காதலில் தத்தளிப்பதும்
ஒன்றுதான் ....!!!

நிலவில் கால்
வைத்து விடலாம்
உன் நினைவில்
வாழமுடியாது ....!!!

இதயமான -உன்
நினைவை பத்திரமாக
சேமிக்கிறேன் -நீ
பட்டடையில் பதம்
பார்க்கிறாய் ....!!!

கஸல் 406

---------

தீக்குளிப்பதும்
காதலில் குதிப்பதும்
ஒன்றுதான் ...!!!

நட்சத்திரமாக உன்னை
பார்க்கிறேன் ...
நீ மின்ன மறுக்கிறாய் ...!!!

இளமையில் தான்
காதல் வரவேண்டும்
உன் மௌனம்
முதுமையில்
வர வைக்கிறது ....!!!

கஸல் 407

-------

பாம்பு படமெடுப்பதும்
நீ என்னை பார்ப்பதும்
ஒன்றுதான் ...!!!

நீ வலம் வரும் தெருவும்
நான் வலம் வரும் தெருவும்
ஒன்றுதான் -ஆனால்
தொலைவில் நிற்கிறாய் ..!!!

காதலால் சாதித்தவர்கள்
அதிகம் -நீ
சோதித்து பார்க்கிறாய் ...!!!

கஸல் 408

----

அழகான மரத்தில் 
முறிந்த கொப்பு-நீ 

நம் நினைவுகள் 
உனக்கு குப்பை 
எனக்கு வாழ்க்கை 

நீ மெழுகு திரியாக 
இருந்துகொள் - உனக்கும் 
சேர்த்து மெழுகாக 
உருகுகிறேன் ......!!!

கஸல் 409

----

ஆற்றின் கரையில் 
கல் கரைந்து அடையாளம் 
இல்லாமல் போனது போல் 
உன் காதலில் கரைந்து 
காணாமல் போய் விட்டேன் ....!!!

துன்பம் வரும் போது 
என் கடவுளை
நினைப்பேன் -உன்னை 
தான் சொல்கிறேன் ....!!!

நீ தரும் வலியை
பார்த்து இதயம் சிரிக்கிறது 
உனக்கு நல்லாய் 
வேண்டுமென்று ...!!!

கஸல் 410