கவிப்புயல் இனியவன் கஸல் 410 - 420

நீ 
என்று என்னை 
வெறுத்தாயோ அன்றிலிருந்து 
காதல் என்னை 
அணைத்து கொண்டது ...!!!

நான் 
உன்னை நினைத்து 
வருகிறேன் -கால்கள் 
என் வீட்டுக்கே செல்கிறது 

மழையில் நனைந்தேன் 
உன்னை நினைத்தேன் 
மழைநீர் வெந்நீர் ஆனது ...!!!

கஸல் ; 411

----

காதல் மதுவை 
அதிகம் அருந்தி விட்டேன் 
மதுக்கிண்ணத்தோடு 
அழைக்கிறேன் ...!!!

அழுது 
கண் சிவந்த விட்டது 
நீ அழகான 
கண் என்கிறாய் ...!!!

உன்னிடம் 
தாகத்துக்கு தண்ணீர் 
குடிப்பதும் -கடல் 
நீரை குடிப்பதும் 
வேறுபாடில்லை ....!!!

கஸல் ;412

---

பௌர்ணமி நிலாவில் 
உன் வரவை 
எதிர் பார்த்திருந்தேன் 
நீ வந்தாய் -நிலா 
முகிலுக்குள் மறைந்தது ...!!!

காதலுக்கு நிலாவை 
ஒப்பிட்டேன் -நம் 
காதலும் தேய்கிறது ...!!!

நீ இதயத்தில் இருந்து 
வெளியேறி விட்டாய் 
உன் நிழல் இதயத்தில் 
இருக்கிறது ....!!!

கஸல் ;413

-----

நீ வருவாய் என்று 
ரோஜாவுடன் நின்றேன் 
ரோஜா இதழ் உதிர்கிறது 

கவிதைக்கு 
வாய் இருந்தால் 
நிச்சயம் என்னை திட்டும் 
உன்னை புகழ்ந்ததற்கு ...!!!

உனக்காக 
பூவை பறித்தேன் 
காதல் என்னிடமிருந்து 
பறிக்கப்பட்டு விட்டது ....!!!

கஸல்; 414

----

பூக்களின் தொகுப்பு 
மாலை - உன் 
நினைவுகளின் 
தொகுப்பு நம் காதல் 

தலை நிமிர்ந்து 
காதலித்தேன் -இப்போ 
வௌவால் ஆனேன் 

என் கையில் இருந்து 
விட்ட காதல் பட்டம் 
மரத்தில் சிக்கி 
தத்தளிக்கிறது ....!!!

கஸல் 415

-----

தப்புக்கு தண்டனை உண்டு 
காதல் தப்பல்ல -என்பதற்கு 
நீ தப்பையே செய்கிறாய் ...!!! 

ஒவ்வொரு பார்வைக்கும் 
ஒவ்வொரு அர்த்தம் உண்டு 
உனது பார்வை எப்பவுமே 
காதலை கொண்டு வரவில்லை ...!!! 

கடிகார முள் சுற்றி 
களைப்பதில்லை ,.... 
உன்னை சுற்றிய நான் 
இருக்கப்போவதில்லை ...!!! 

கஸல் 416

-----

காலை பொழுது 
பறவைகள் இன்பமாக 
காதலை ஆரம்பிக்கும் 
மாலை பொழுது இன்பமாக 
இருக்கும் -நீ பறவையிடம் 
கற்றுக்கொள் காதலை ,,,,,!!! 

நான் மூச்சு விடுவது 
காதலுக்கு -நீ 
மூச்சு விடுகிறாய் 
வலிப்பதற்கு ....!!! 

காட்டில் திரியும் 
மான் தண்ணீரை தேடுவது 
போல் ..!!! உன்னை தேடுகிறேன் 
நீ கானல் நீர் 

கஸல் 417

----

நீ சிரித்தாய் 
நான் சிரிப்பை 
தொலைத்தேன் 
நம் காதல் கதை ...!!!

காதல் இன்பமானது 
உன்னை கண்டபின் 
உணர்ந்தேன் - கிணற்று 
தவளையாக்கி விட்டாய் ...!!!

மனதில் உன்னை 
சிலையாக செதுக்கினேன் 
நீ 
காதலிக்க மறந்து விட்டாய் ...!!!

418 

---

உயிரே உயிரே 
என்று அழைப்பதுதான் 
காதல் -நீயும் 
அப்படித்தான் 
அழைக்கிறாய் -எனக்கு 
பயமாக இருக்கிறது ...!!!

பூவைவிட 
மென்மையானவள் 
கருங்கல்லாய் 
மாறிவிட்டாள்....!!!

காதலில் நான் சிலை 
நீ 
இப்போதான் கல் ...!!!

கஸல் 419

-----

நினைவு.. கனவு..வார்த்தை 
கோர்வையால் ஆனது 
காதல் - உன்னில் ஏதோ 
ஒன்று குறைகிறது ...!!!

அடிப்படை தேவையாக 
காதலை சேர்க்கலாம் 
உனக்கு பொருந்தாதே 
என்று 
கவலைப்படுகிறேன் ...!!!

கண்ணை கட்டிவிட்டு 
கடலுக்குள் குதித்து 
கரைசேர்ந்து விட்டேன் 
கரையில் நீ நின்று 
மீண்டும் கடலுக்குள் 
தள்ளி விடுகிறாய் 

கஸல் 420